Dr Wätterbricht isch nüd so rosig gsi. Trotzdem simmer am 22. August i zwei Gruppe ufä Usflug id Bündner Herrschaft. Üseri füf Bärggeisse undr dr Leitig vum Nadja und em Bea sind schu äm halbi Siebni gange, de Gmüetlichere Siebä händ sich em Priska agschlosse und sind erscht ufa viertelvorzächni-Zug. Gruppä eis hät s voll Programm duräzogä und isch zum Fläschersee gmarschiert - verfolgt vu vierbeinige Bärggeisse... Trotz amänä heftigä Gwitter mit Hagel und Sturzbäch händ si sich duräkämpft und sind pflotschnass und ä chlä usgchüelt zum Älpli (1800 m) zruggchu. Det isch gad de zweit Gruppä zu ihrer Churzwanderig ufbroche, dopt mit Kaffi und Nussgipfel. Allerdings sinds nüd so wiit chu, nur bis zur Alp Mittelsäss. Det isch ä Rägwand uf si zuechu. Zwei händ sofort umgchert, die andere füf sind schnäll nidsi zu dr Alphütte gloffe, händ Chäs poschtnet und gemüetli am Schärmä Zmittag gässe.
|
AutorSchreiben Sie ein paar Zeilen über sich selbst und verschaffen Sie Ihren Lesern so einen kleinen Einblick. Archive
Mai 2022
|