Am 12. März händ vier Fraue d Herusforderig agnuh und sind mit em Männerturnverein uf Scuol gu schifahre oder wandere. D Manne sind mit äm Wisi-Büssli uf Landquart gfahre und det i de Rhätisch Bahn gstigä. Drü Fraue händ zäme mit em Roger dr Zug vum Glarnerland us gnu. S Oberturner-Ehepaar isch bereits ds Scuol gsi. Nach dr gemüetliche Bahnfahrt simmer mit dr Gondlä uf Motta Naluns gfahre. Ds Marianne und ds Käthi sind dä vu det bis zunere Chamanna und und drna zum Restaurant Prui gwanderet. Det händs mit dä Schifahrer und de zwe Wandermänner Zmittag gässe. D Poulet-Chnuschperli sind nüd so dr Hit gsi... Drna sind de einte wieder ufd Schi, Eine - "ä ehemalige Bähnler" (obe uf dr erschtä Foti hinde mit der rotä Jaggä) - hät vrzwiiflet sini Schi gsuecht und immer bhauptet, de rote wo da stöched siged nüd sini. Am Schluss sinds es dä glich gsi... D Wandermänner sind mit dä Schlittä uf Ftan abä "düset" oder ehnder tüsselet, de zwe Wanderfraue händ der Wäg ds Fuss gmeischteret und sind dä gad nuch zrugg uf Scuol gloffe. Dr Schrittzähler hät über 25'000 Schritt azeiget! Am spätere Namittag händ sich alli im Hotel Bellaval troffe und chlä g'aperölet. Dä isch schu wieder Ziit gsi für ufä Zug. Alli händ händ der superschü und luschtig Tag gnosse. Danggä villmal Wisi und Peter fürd Organisaziuu.
|
AutorSchreiben Sie ein paar Zeilen über sich selbst und verschaffen Sie Ihren Lesern so einen kleinen Einblick. Archive
Mai 2022
|