Wägä Corona hämmer lang nüd chänne i dr Halle turne. As Ersatz hät üs dr Peter Nef amix WhatsApp mit Turnüebige gschiggt. Aber ebä, älei macht das nüd so Spass. Und so simmer halt dä am Mittwuchabig gu laufe und händ es paar Üebigä gmacht. Eimal hät üs ds Regula drna nuch zur Outdoor-Geburi-Party iglade. Isch ä richtigi Freud i derä Pandemie-Ziit gsi.. Zum Abschluss vu de Mittwoch-Spaziergäng häts em 28. April noch ä tolli Überraschig gi. Dr Peter, ds Marianne, ds Nadja und ds Käthi händ gross igkauft, Glüehmoscht brauet und uf dr hindere Schlatt-Füürstell Würscht und Mais-Chölbe brätlet. Aber zerscht händs nuch all Äss- und Tringgware mösä ufägfergge. Wo dä d Fraue vum Laufe chu sind, hät sie es super "Büffet" erwartet und all sind begeischtert gsi. Nuch meh freued mir üs uf ds Turne i dr Halle.
|
AutorSchreiben Sie ein paar Zeilen über sich selbst und verschaffen Sie Ihren Lesern so einen kleinen Einblick. Archive
Mai 2022
|