D Organisatori Heidi Süess hät ä churze Bricht gmacht: "Nachere churzwiligä Zugfahrt simmer am Samstig, 11. September, i "Rabe" ds Linthel marschiert und händ es feins Zmorgedbuffet gnosse. Drna hämmer us ufd Wanderig Richtig Betschwande gmacht und sind ganz härzli empfange worde. Ufere alte Riitschuel (Karussell) hämmer de erscht Zirkusluft gschnuppert. Üsere Begleiter isch dr Ischa vu der Zirkusfamilie Mugg gsi. Er hät üs durs Zirkusdorf gfüehrt und mir händ gstuunet, we gross alls worde isch. Drna hämmer mit Ischas Hilf im Zirkuszält d Schongliergrät (Bäll, Ring, Diabolos, Täller und Küle) usprobiert. Nachenere Pause händ sich de Muetigschte vu üs ufs Trapez und ufs Rhönrad gwaget. Zum Schluss hämmer es feins Znacht gnosse. Dangge der Familie Mugg für der toll Tag.
|
AutorSchreiben Sie ein paar Zeilen über sich selbst und verschaffen Sie Ihren Lesern so einen kleinen Einblick. Archive
Mai 2022
|