Am Ostersamschtig händ es paar vu üs (ufem Bild fählt noch ds Marita) d Muffins, wo üs dr Uwe und der Schorsch vu dr Glarner Feingebäck AG z Engi produziert händ, mit Zuckerglasur, Rüebli und ämene Chärtli verziert. Au zwei Poschtiwägeli sind nuch öschterlich bekränzt worde. Ab em 10i hämmer dä im Parterre und im erschte Stock d Muffins dä Wiggispark-Chunde verteilt. Öppe anderthalb Stund später sind de 700 "Rüebli-Gugelhöpfli" weg gsi. Danggä nuch ämal allne Hälferinne und bsunders au dr Glarner Feingebäck AG, für der toll Isatz. Fotogalerie
0 Comments
S befrischtet Engagement vu üserer Vorturneri Jacky isch z Änd. Am 20. Juni hät s Heidi Süess sie würdig verabschiedet. Mir dangged em Jacky villmal für ihre Geduld mit üs nüd immer eifache Fraue.
Üsers Fit+Fun Team wird immer besser! Ds letscht Jahr häts bim Verbandsturntag fürä dritte Rang glanget und hüür hätt sich s Fraueturne Netschtel am 26. Mai im Buechholz sogar Rang zwei erkämpft. Nüd zletscht au dank de Huufä Fans, wo üseri Wettkämpferinne luutstarch understützt händ. Gwunne het dr Fit+Fun Wettkampf dr DTV/TnV Näfels. Au dr MTV Netschtel - mit ihm zäme händ üseri Fraue intensiv träniert - hät mit Rang drü es super Resultat gmacht. Härzliche Gratulaziu. Mir sind stolz uf üüüch.
|
AutorSchreiben Sie ein paar Zeilen über sich selbst und verschaffen Sie Ihren Lesern so einen kleinen Einblick. Archive
Mai 2022
|