Dr MTV hät am 7. März au d Fraueturnerinne zu sim Usflug uf Bruuwald iglade. Füf Manne sind ufd Schi, ei Ma, dr Michi, hät sich dä vier Wanderfraue agschlosse. Ds Wätter isch am Morged gar nüd so amächelig gsi, aber dr Organisator Wisi hät ä so uf der Usflug planged, as er sogar ä Stund ds früeh am Bahnhof gsi isch. D Fraue und dr Michi sind erscht ufä 10.39 Zug. Ds Linthel hämmer dä gad chlä möse luege, wemer mit em SBB-App-Ticket oder em Easy Ride ufd Bruwaldbahn händ chänne. Es gaht ja nüd guet, ds Smartphone i Schlitz bi der Schranggä steggä. Mä mues zerscht es Ersatzticket am Schalter oder binere Hostess hole. Ds Bruuwald isch dä dr Räge bald ämal i Schnee überegange und mir sind its Grotzebüehl gwanderet. Nachere Pizza hämmer üs dä ufä Wäg Richtig Ortstogghuus gmacht. Ds Fräulein im Tourismusbüro hät gseit, dr Wäg sig guet markiert und pfadet. Wumer dä ufem Schiweg (Gumepischte) gsi sind, isch es dä glich chlä komisch gsi, so dä Schifahrer entgäge ds laufe. Mir händ dä ä fascht d Abzwigig Richtig Ortstogghuus vrpasst. S hät ä kä Wägwiiser gha. Aber schlussäntli simmer dä doch im Ortstogghuus glandet. Ds Huskafi oder dr Hirnipigger und äs Stugg Chueche hämmer us würggli verdienet. Und dr Michi hät tschegged, as mä inere Bärghütte nüd cha mit dr Postcard zahle. Abwärts isch es dä äs Stugg schneller gange, bsunders au, will üs eini vum Pischtedienscht gseit het, mä warti nu nuch uf üs, bis chäned d Häng spränge. Dr Helikopter hämmer schu gkört und chum simmer im Grotzebüehl gsi sind häts dä würggli gchlöpft. Bi dr Plütterhütte hämmer dä d MTV-Schifahrer troffe. Uhni öppis ds tringgä simmer dä vorne abe Richtig Hütteberg. Ds eint oder ander isch sogar nuch im Schnee versungge und der Michi hät äntli gmerggt, as Stögg beim Wandere nüd nu für älteri Lüüt vu Vorteil sind. Fascht zunderscht hämmer dä nuch ä halbdunggelhütigä Iheimische nachere Abchürzig Richtig Uhu gfragegt. Und so simmer dä bald ämal i dr Bar näbed em Uhu und drna im Uhu zum Znacht glandet. Isch fein gsi. Diä uhni Schi händ öppe em halbi Nüni dä ud ä chlä iisig Wäg zur Bruuwaldbahn gmacht. D Schifahrer sind nuch zunere chlinä Nachtabfahrt chu. Bi dr Bärgstaziu häts nuch es chlinners Problem gih. Zwei Smartphone-Zugfahrer händ am Vormittag ds Linthel nu es eifachs und käs retour Ticket übrchu. Diä sind dä entweder under dr Schranggä durä oder ganz eng mit dem Vorderma durd Schrangge...
|
We immer hämmer a dr Chilbi (20. - 22. September) uf üsernä zwe Holzbögg äs Wettnagle abbotte. Jung und Alt händ vrsuecht, mit möglichscht wenig Schläg a Nagel its Holz z schluh und besser ds si as de andere Mitnagler. Für de Erwachsne häts as Priiis ä Schnaps gih, fürd Chind ä Orangesaft. Dr Sieger hät nuch chänne öppis zum Schlägge uswähle. Danggä villmal allne Hälferinne, allnä Wettnagler und vor allem em Regula, wu eimal mehr alls beschtens organisiert hät. |
Am 13. August sind 7 Fraueturnerinne, ei Turneri und dr FT-Leiter gu minigölfle. Ds Wätter isch super gsi, dr Isatz au. Gwunne hät d Gruppe Bea, Regula, Nadja und Peter. Sie händ d Gruppe Käthi, Patrizia, Marianne B. und Marianne Nef mit 61 zu 80 Pünggt gschlage. Bim aschlüssende Schlummertrungg sind de bed Gruppe öppe glichuf gsi.
Fotogalerie
Super händ sie sich gschlage üseri Netschteler FT und MTV. Bi schünschtem Wätter isch em FT Netschtel z Niederurne nu dr MTV Mollis vor der Sunne gstande... Aber au wänns nüd ganz zum apeilte Sieg glanget hät, ihr sind SUPER gsi. Härzlichi Gratulaziu.
rangliste_vbtt_2019.pdf
Fotogalerie
Nach dä Fotinä hät vor allem am 11. August ds Wätter am Bärgturnfäscht ds Bruwald total gstimmt. Au d Resultat sind super: Üseri Fraueturnerinne sind als TnV Netstal gstartet und i der Fit+Fun Rangliste ufe 9. Rang chu - as reini Frauegruppe isch nu nuch dr DTV/TnV Näfels (4.) besser gsi. Üser Manne, also der MTV Netstal, häts als 3. Mannschaft sogar uf ds Podescht gschafft. Super, mir sind alli stolz uf üch.
rangliste_bergturnfest
Fotogalerie
Em Fritig/Samstig 16./17. Juli sind es siebä vu üserne FT und zwe "FT-Manne" im Holzhangar am und hinderem Buffet im Isatz gsi. Ds Käthi het äm Samschtig-Abig i Chat gschriebe: "Bringt einfach gute Nerven, viel Organisationstalent und Eigeninitiative mit. Es ist alles ein bisschen chaotisch." Aber all händs meh oder weniger guet überstande. D Sunntigsgruppe (diä ufem Bild) hät sich nach der Arbet bimene Flügerkafi dä wieder guet erholt. Hälfer-Isatz bim ZigermeetBearbeitung hier klicken. |
Autor
Schreiben Sie ein paar Zeilen über sich selbst und verschaffen Sie Ihren Lesern so einen kleinen Einblick.
Archive
Mai 2022
April 2022
März 2022
November 2021
September 2021
August 2021
April 2021
Januar 2021
August 2020
Juni 2020
März 2020
Januar 2020
Dezember 2019
November 2019
September 2019
August 2019
Juli 2019
April 2019
Januar 2019
Dezember 2018
November 2018
September 2018
August 2018
Juni 2018
Mai 2018
April 2018
März 2018
Februar 2018
Januar 2018
Dezember 2017
November 2017
September 2017
August 2017
Mai 2017
April 2017
Dezember 2016
September 2016
Juli 2016
Mai 2016
April 2016